Deur Niël du Toit, Hoof-Uitvoerende Beampte van Go Sustainable Tourism (GST).
IN ‘n SAKEKONTEKS gaan waarde-toevoeging oor aktiwiteite, prosesse of dienste wat die waarde van ‘n produk, diens of ervaring vir kliënte verhoog. Dit kan verwys na ‘n verbeterde kliëntervaring, naamlik om die produk of diens op so ‘n manier te verbeter dat kliënte dit as waardevol beskou.
Waarde-toevoeging kan ook verwys na die verhoging van kliëntetevredenheid deur kliënteverwagtinge te oortref, wat tot verhoogde lojaliteit en kliëntebehoud kan lei. Dit kan ook verwys na die differensiasie van die besigheid van mededingers deur ‘n unieke voordeel of kenmerk te bied wat die besigheid van ander onderskei.
Ten slotte kan waarde-toevoeging verwys na die regverdiging van premieprysstelling deur kliënteverwagtinge te oortref. Dit kan lei tot waardering vir die ervaring of diens waarvoor die kliënt bereid is om ‘n premieprys te betaal.
Deur te fokus op elemente wat hierbo genoem is, kan ‘n besigheid homself differensieer, kliëntetevredenheid verhoog en inkomstegroei aandryf.
In ‘n sakekonteks gaan rompslomp oor oormatige of burokratiese regulasies, prosedures of papierwerk wat sakebedrywighede en innovasie kan belemmer of vertraag.
Romslomp kan verwys na oormatige regulasies wanneer onnodig ingewikkelde, of te veel reëls sakebedrywighede beheer, of na burokratiese prosedures wat langdradige prosesse behels wat veelvuldige goedkeurings, permitte of lisensies vereis. Ditkan ook verwys na oormatige papierwerk en dokumentasie wat tydrowend is, en ten slotte kan dit verwys na toetredingshindernisse wat mededinging en innovasie beperk.
Aan die ander kant kan die vermindering van burokratiese rompslomp entrepreneurskap, innovasie en ekonomiese groei bevorder.
GST-sertifisering en waarde-toevoeging
As ons GST beskou in terme van die filosofie van taalanalise (hierbo), kan ons sê dat GST se verifikasie-oudit die vraag beantwoord om te weet wat werklik rondom elke doelwit gebeur het. Besoekers kan dus die sertifikaat vertrou.
GST-deelnemende eienaars van produkte rapporteer dat deur die gevoel van “plek-ervaring” (sense-of-place) te verhoog, kliënte langer bly, wat lei tot ‘n verhoogde okkupasiegraad en persoonlike aanbevelings.
Die GST-sertifikaat en openbare verslag verskaf vooraf geldige bestuurstandaarde wat by die plek ervaar kan word. In hierdie verband word ‘n GST-samewerkingsplatform in die vooruitsig gestel.
GST-sertifisering en burokratiese rompslomp
Die GST-bestuursmetode is tot ‘n optimale vlak gestroomlyn met spesifieke verwysing na die vraelys en verifikasie-oudit, terwyl dit steeds ‘n geldige meetinstrument bly.
GST laat die besigheid groei via die aanstelling van ‘n assessor in ‘n spesifieke geografiese streek. Eienaars van produkte in daardie streek wat belangstel om by GST aan te sluit, kan aanlyn aansoek doen deur 10 kriteriaverwante vrae te beantwoord.
Die uitvoerende hoof praat met die aansoeker oor hul antwoorde, die koste en prosedures om by GST aan te sluit. Belangstellende produkteienaars ontvang dan die lisensie- en samewerkingsooreenkoms wat deur beide partye onderteken moet word. Die produkteienaar voltooi die vraelys en die assessor maak ‘n afspraak vir die eerste verifikasie-oudit.
Ten slotte
Die oorspronklike vereiste van die taalfilosofie vra: “Wat beteken dit?” (konnotasie, d.w.s. die Bruntland-definisie) en “Waarheen verwys dit?” (denotasie, d.w.s. die GST-bestuursmetode). In die lig van hierdie vereiste moet ‘n finale aspek van die GST-bestuursmetode in oorweging geneem word, naamlik die gelyktydige (oorvleuelende) effek van die 4C-konsep C1, C2, C3 en C4.
Om die GST 4C-konsep te verduidelik help dit om met die 4C’s in hul opeenvolgende verhouding die bestuursproses te behartig.
Slegs wanneer ‘n mens besef dat benewens die volgorde, daar ook die werklikheid van oorvleuelende effek van al 4 C’s is, word die 4C-konsep ten volle toegepas as ‘n bestuur-deur-doelwitte-instrument.
Hierdie oorvleuelende effek kan wiskundig soos volg uitgedruk word:
E ~ β + λC1 + λC2 + λC3 + λC4 + λC1.C2.C3.C4
Waar E = waarskynlikheid vir sukses; β = Algemene lukrake effek; λ = ‘n konstante
Die grafiek hieronder demonstreer die oorvleuelende bydrae – die swart sirkel – as die waarde wat tot volhoubaarheid toegevoeg word wanneer ‘n toeriste-onderneming met verloop van tyd volgens doelwitte bestuur word in ooreenstemming met die 4C-konsep.
Die entrepreneur wat verantwoordelikheid vir volhoubaarheid aanvaar, bedryf die toerismemaatskappy (C4) vir wins in en deur die gebruik van die omgewingshulpbronne, natuurlik en kultureel, van die plek en geografiese streek of kontrei (C1) in ‘n bewaringsmodus met behulp van skoon tegnologie. Die toekomstige dryfkrag is opwaarts (sien grafiek).
Terselfdertyd begin dieselfde entrepreneur die toerismemaatskappy (C4) bestuur en betrek die gasheergemeenskap (C2) optimaal en regverdig. Die bestuur begin deur die regte dinge te doen en betrokke mense leer om prestasie te verbeter deur te bestuur volgens doelwitte ooreenkomstig die vraelys. Die toekomstige dryfkrag is na regs (sien grafiek).
Die resultante effek van beide die toekomstige dryfkragte is na die regterkantste kwadrant bo – altyd nader aan die teikenmark (C3). Om die kliënt te betrek sal vir die besigheid in die toekoms vrugte afwerp omdat dit is hoe ons kwaliteit gedefinieer het: Om in die kliënt se behoeftes en verwagtinge op ‘n kostedoeltreffende manier te voorsien.
Die bydrae van die GST-bestuursmetode is dus ‘n waardetoevoegende metode vir die belanghebbendes en nie eenvoudig net vir die aandeelhouers nie.
Ten slotte wil ek wys op die inherente moontlikheid van geestelike tevredenheid vir die produkteienaar. ‘n Entrepreneur in die toerismeverblyfbedryf wat aansluit by die GST-beweging van Invest Local, Impact Global sal ‘n gevoel van doelgerigtheid van lewenslange leer en streef na iets anders as eie tevredenheid ervaar. Hy of sy sal ook die geleentheid hê om ‘n gevoel van betekenis toe te voeg, omdat daar ‘n noue verband bestaan tussen die Hoër Doel en die doel van die GST-bestuursmetode.
Ten slotte sal die produkteienaar die geleentheid hê om te behoort aan ‘n groep doelgedrewe mense en nie eenvoudig winsgedrewe mense nie.
In die woorde van Peter Senge: “Moet nooit twyfel oor wat een persoon en ‘n klein groepie medewerkers kan doen nie.”